عضو مجلس الشعب عن كتلة الاخوان المسلمين صبري خلف الله اكد من جانبه إن نحو 50 نائبا في البرلمان تدارسوا هذا الموضوع مساء الأربعاء وأعربوا عن قلقهم من انتشار هذه الفتوى اعلاميا، واقترح بعضهم تقديم طلبات احاطة، لكنهم اتفقوا على ارجاء ذلك، واعطاء فرصة للأزهر والاعلام لوقف الخوض في هذا الموضوع الذي أثار حالة من اللغط الشديد في الشارع المصري خصوصا في أماكن العمل التي تضم موظفين وموظفات، وعندها قد يمتنعون عن طلبات الاحاطة منعا لحدوث زوبعة برلمانية قد تساهم في تضخيم المسألة وتضر بالاسلام
ان كل الموظفات يبطلوا تنظيم النسل ويفضلوا يخلفوا زى الارانب تحسبا لاى رضاع مفاجئ لاى زميل يعنى...واللى ماتجوزتش تاخد اجازة رضاعة بدون مرتب لحد ماتشوف لها حل ف الليلة السودا دى
بالنسبة للخلوة مع سواق التاكسى...ف ممكن نطلع تشريع يلزمه يركن على جنب ف حتة ضلمة الاول ويرضع خمس ست مرات قبل مايتوكل بالعربية...ونضيف الرضعة ع البنديرة
نعمل وزارة للرضاعة وتتولاها وزيرة مفوضة ويبقى منصبها وزيرة الدولة لشئون رضاعة الكبير وتلقب اختصارا بمرضعة قلاوون للتفرقة بينها وبين المرضعات العاديات اومرضعات الاطفال.. ونعمل حملات تفتيش بقى والست اللى تحمرق وترضع زمايلها ولا سواقين التاكس اقل من خمسة رضعات مشبعات تتجلد ف ميدان عبد المنعم رضاع...قصدى عبد المنعم رياض بعد مانغير اسمه تماشيا مع المرحلة..والراجل اللى مايعجبوش الصدر من حقه يتقدم بشكوى رسمية لمرضعة قلاوون على ان تقوم بتشكيل لجنة من خمس سيدات ماتقلش مقاسات براهاتهم عن 38دى تريومف لبحث المشكلة واذا ثبت ان الست غلطانة تاخد ست شهور حبس ف ابو زعبل ولا الحضرة يعنى مش ف القناطر مع النسوان عشان ترضع المساجين لحد مايتقطع نفسها وتعرف ان الله حق
البنات الصغيرين عليهم انهم يرضعوا المدرسين بتوعهم برضه عشان الخلوة ويبقى فى حاجة اسمها حصة رضاعة ف المدارس الحكومية يعلموا فيها البنات على يد متخصصين كيفية الرضاعة الطبيعية على اصولها مع التفرقة بين رضاعة الاطفال و رضاعة الشحط اللى ممكن يكون المدرس الخصوصى بتاعها
الزوج ف الحالة دى وفقا للشرع وقوانين المرأة وحقوق الانسان يبقى من المحرمات بالنسبة لزوجته...يعنى هى بالفعل بتنكشف عليه عادى و بتنام معاه كمان والكل عارف يبقى ايه لزمتها الرضاعة بقى ان شاء الله...احنا حنستعبط ونخلط الحابل بالنابل...قلنا الرضاعة لاباحة الخلوة وطالما الخلوة مباحة ف اصل الشرع بين الزوج و زوجته يبقى انتفى مبرر الرضاع بينهما بالعكس بقى ده يبقى انتهاك لحرمة الخلوة اللى بينهم وبالتالى يحل للزوج معاشرة زوجته على جميع الاوجه اللى اقرها الشرع على ان يحرم عليه الرضاع منها...ومن تتقدم بشكوى لمرضعة قلاوون بان زوجها حاول الرضاع منها يتم تحويله فورا لمحاكمة عسكرية ومن حق المجلس الاعلى لحقوق الانسان التضامن التام معها باعتباره بيتصدى لحالة استغلال واضح للمرأة ..الله هى حترضع جوة وبرة
بالنسبة للاطفال الرضع اللي يحق لهم الرضاعة بقى فحتلاقى ان العلم ماخلاش حاجة الا اما حلها و البيبى دلوقت معمول له بيبرون وبزازة يبقى لا مبرر شرعا لارضاعه اما قصة فصاله فى عامين" بقى دى يا حلو فيها جدل لان محدش قاللهم انهى سنتين بالظبط ..يعنى لما يبقى متوسط عمر الحلوف البنى ادم نقول 60 سنة يبقى نقى اى سنتين تفطمه "فيهم...ده انت كمان ممكن تفطمه ف سنتين مش متتاليتين يعنى تفطم الشهر ده اسبوع عارضة وكدة يعنى...وعموما الكبير يستثنى من الفطام لانه كبر ع المسألة دى خلاص ايه حنرجع نكلمه تانى فيها كدة من غير مناسبة ده حتى يبقى لعب عيال
هناك ٣ تعليقات:
و الله دى مسخرة
المواطن مصرى
الـمـدام العزيزة/ داهيه فرفر
(مدام هنا للتبجيل والاحترام ، زي الجماعة الخواجات)
اهنئك جداً على هذه المدونة التي ستخرج مصر من مسارها الحالي ، وتدفعها بالعافية نحو التطور.
صحيح انك هتحرمينا من استغلال فتوى أرضاع الكبير دي (وربنا عالم احنا كنا هنهيص قد أيه) بس مش مشكلة ، كله يهون عشان البلد
لكن المهم جدا يا ست داهية ( ست هنا للاستعطاف والرجاء ، زي الجماعة الفلاحين) انك تعملي للبلوج ده أبديت على قد ماتقدري ، وسيبك من اي كلام اهبل يقوله واحد مبيفهمش حاجه
مبروك مرة أخرى لمجتمع المدونين المصريين انضمام أم الدواهي لهم ، وبكده معدتش مباحث امن الدولة تقدر تكح معاهم .
هاهاهاها استنى لما أفوق من كريزة الضحك و بعدين أعلق على كلامك على فتوى ارضاع الكبير
إرسال تعليق