حريقااااااااااااااااا...حريقااااااااااااااااا...الدخان والشياط ماليين الجرايد كلها...كله شامم ريحة حريقة
مين المسئول..التقصير جه منين..لما واحدة من اهم مؤسسات البلد تتخرب بالشكل ده يبقي مفيش حد يقول انا مسئول!...الدفاع المدني عملوا اللي عليهم(ف حدود امكانياتهم)..واااااااااه من امكانياتهم دى..ازاى مفيش تجهيزات...ازاى مفيش عربيات مجهزة..ازاى مفيش طيارات..ازاى مفيش نظام اطفاء ذاتى...ولا هما فالحين يعملوا اشعال ذاتى ومايعرفوش يطفوه ذاتى برضه
ماعلينا..اللي يضحكك بقي ان زى مايكون الحكاية مقصودة (من قوى علوية) اصل الجو اتعدل اذ فأجتن كدة لمدة تلات ساعات مش اكتر..هوا..هوا..هوا.. تقولش دخلة الشتا..من جهنم الحمرا الي شتا مفاجئ يدق البيبان يحرقها ونرجع تانى لجهنم الحمرا
فيه ناس زعلانة ان المحروق اتحرق فاضي..وناس زعلانة ان الحكاية وقفت لحد الشورى بس ومالحقتش الشعب(المجلس ياخوانا)..يعنى هى العالم دى محجبة(من الحجاب بكسر الحاء بتاع العملات وكدة)...يعنى قطر الصعيد اياه ده يولع لاخره بالغلابة اللي فيه...والمجالس لأ
ده الناس اللي بتقول
يللا الحمد لله انها جت لحد كدة...اصلها تبقي مصيبة لما المطافي نفسها تولع بقي ومانلاقيش اللي يطفيها
هناك ٣ تعليقات:
بس برضو يا داهية انا زعلانة على حرق المجلس
لانه مكنش قضاء و قدر
لا
كان بفعل فاعل و لاخفاء ادلة و بتاع
بصي
خدي اقري البوست ده لانه في كمية وجهات نظر من شانها تودي الناس صحابها في داهية و حقولك ليه لا؟؟
http://lastknight1964.blogspot.com/2008/08/blog-post_20.html
اسباب كتيرة لكنا نا فعلا زعلانة ان البلد رخصت اوي في عيون اللي ماسكينها
فعلا
اللعنة على اللعنة
و ليذهب الجحيم الى الجحيم
الا قولي لي انتي معدل ذكائك كام عشان تطلعي بجملة زي دي؟؟
جبارة يا بنتي جبارة
والله يا ستى كلنا زعلانين..انا مقهورة بقي اصلن
بس يبدو كدة انهم فلتوا منها المرة دى ..وانهم لاول مرة مايبقاش لهم يد ف حاجة...بخلاف الاهمال والتقصير يعنى..واحنا خلاص خدنا منهم على كدة
وعلى فكرة قريت البوست وعقبت عليه كمان علمن بانى مش مقتنعة بيه وسبت لك ردي على مدونتك انتى كمان لان الاخ الفارس الاخير لازم يقرا الردود والتعليقات الاول قبل مايسمح بنشرها وانا بصراحة مش قادرة استنى لحد ماينشر او ماينشرش وانتى تبقي تقري وقصة كدة مش حتاخدلها اقل من تمانية واربعين ساعة ضوئية ع الاقل يعنى
كاى عملية رقابية بتحترم نفسها
اما بخصوص معدل ذكائي فاحب اطمنك انه فى حدود المسموح به...لا تقلقي
اللعنة على اللعنة
وليذهب الجحيم الي الجحيم
مدونه جميلة جدا
مجهود واضح
إرسال تعليق